సింహాచలం

సింహాచలం కొండపై స్వామి వరాహ, నృసింహ అవతారాలు కలిసిన వరాహ లక్ష్మీనృసింహునిగా పూజలందుకుంటున్నాడు. రక్షింపబడిన తర్వాత ప్రహ్లాదుడే మొదట ఈ ఆలయాన్ని నిర్మించాడని సంప్రదాయం.

ఏడాది పొడవునా స్వామి చందనంతో కప్పబడి లింగాకారంలో దర్శనమిస్తాడు. అక్షయ తృతీయ నాడు జరిగే చందనోత్సవంలో మాత్రమే చందనం తొలగించి నిజరూప దర్శనం కల్పిస్తారు. ఆలయ శిల్పకళ కళింగ శైలిలో ఉంటుంది.